Бишкек, 08.10.24. /Кабар/.Чүй облусундагы бир катар жолдорго асфальт төшөө иштери аяктады. Бул тууралуу Транспорт жана коммуникациялар министрлигинен билдиришти.
Маалыматка ылайык, Кара-Булак- Бейшеке унаа жолунда 2 чакырым 700 метр жолго асфальт төшөлдү. Ошондой эле Бейшеке-Боролдой автожолунда 3 чакырым жолго асфальт төшөлүп бүттү.
Мындан тышкары, Бишкек-Нарын-Торугарт автожолунда эски жол белгилер алынып, жаңы жол белгилер орнотулду. Жол белгилерден тышкары жөө адамдар өтүүчү жол сызыктар чийилип, жол жээктери тазаланды.
Пикир
Оставить комментарий