Бишкек, 01.04.22. /Кабар/. Чүй облусунун Ысык-Ата районундагы Жээк айылында 80 орундуу бала бакчанын курулушуна капсула салынды. Бул тууралуу Ысык-Ата акимчилигинен билдиришти.
Маалыматка ылайык, бала бакча Ас-Сафа коомдук бирикмесинин демөөрчүлүгү аракасында курулат. Үстүбүздөгү жылдын сентябрь айында курулушу толугу менен аяктап, пайдаланууга берилет.
Капсула салуу аземине Ысык-Ата райондук мамлекеттик администрациясынын башчысы-акимдин биринчи орун басары Ногайбек Самтыров, Жээк айыл өкмөтүнүн башчысы Ранат Абакиров, район прокурору Чыңгыз Ахматов жана аталган коомдук бирикменин өкүлдөрү катышты.
Пикир
Оставить комментарий