Бишкек, 23.03.19. /Кабар/. Чет элдик жарандын уюлдук телефонун тоногонго шектелип төрт жаш жигит кармалды. Бул тууралуу Бишкек шаарынын Ички иштер башкы башкармалыгы билдирди.
Маалыматка ылайык, милиция кызматкерлерине Пакистандын 19 жаштагы жараны кайрылып, 12-март күнү төрт белгисиз бала Эл аралык медициналык университетинин жанынан күч колдонуп, баасы 13 миң 900 сомдук телефонун тоноп кеткенин билдирген.
20-март күнү бул кылмышка шектелип 19 жаштагы төрт жигит кармалган.
Учурда, алар убактылуу кармоо жайына киргизилип, шектелүүчүлөрдүн башка кылмыштарга тиешеси бар же жок экендиги текшерилүүдө.
Пикир
Оставить комментарий