Чоң Чүй каналына түшүп кеткен 55 жаштагы адам изделүүдө

Бишкек, 02.02.23. /Кабар/. Чүйдүн Новопокровка айылындагы Чоң Чүй каналына 55 жаштагы В.А. аттуу эркек киши түшүп кеткен.

ӨКМдин басма сөз кызматы билдиргендей, жерине жети куткаруучу, бир жел кайык, беш милиция кызматкери, туугандарынан үч адам тартылып, издөө иштери жүргүзүлгөн.

“Издөө иштери убактылуу токтотулган, натыйжа болгон эмес”, - деп айтылат маалыматта.

Бүгүн, 2-февралда издөө иштерин улантуу максатында сегиз куткаруучу тартылган.