Бишкек, 25.10.21. /Кабар/. Чүй облусунун Аламүдүн районунда Чоң Чүй каналынан адамдын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.
Такталган маалымат боюнча, Аламүдүн айылынын Алма-Ата көчөсүндө Чоң Чүй каналында (БЧК) белгисиз адамдын жансыз денеси жаткандыгы тууралуу маалымат түшкөн.
Жерине Аламүдүн райондук №1 ӨКБдан 3 куткаруучу тартылып, суудан болжол менен 45-50 жаштагы азиат улутундагы эркек кишинин (аты-жөнү такталууда) жансыз денесин чыгарышып, ИИМ кызматкерлерине өткөрүп беришкен.
Пикир
Оставить комментарий