Бишкек, 28.08.20. /Кабар/. Учурда 14 саламаттык сактоо объектисинде курулуш жана оңдоо иштери жүрүп жатат. Бул тууралуу өкмөт үйүндөгү маалымат жыйында Архитектура, курулуш жана турак жай-коммуналдык чарба мамлекеттик агенттигинин директору Урматбек Кокочаров билдирди.
Ал билдиргендей, учурда 14 саламаттык сактоо объектисинде курулуш жана оңдоо иштери жүрүп жатат.
"Жалал-Абад шаарындагы жана Ош облусунун Кара-Суу районунун Чайчы айылындагы ооруканалардын курулушу республикалык бюджеттин эсебинен жүрүп жатат. Калган 12 объект "Социалдык өнөктөштүк" фондунун эсебинен каржыланып жатат: Ош, Нарын жана Бишкек шаарындагы жугуштуу оорулар ооруканаларынын курулушу жана башка облустардагы тогуз саламаттык сактоо мекемесиндеги оңдоо иштери", - деди ал.
Анын айтымында, алардын ичинен алты объект 1-сентябрга, эки объект 3-сентябрга, бир объект 5-сентябрга карата бүткөрүлөт.
"Ал эми республикалык бюджеттен каржыланып жаткан эки объекттин курулушу ноябрь айынын башында бүткөрүлөт", - деди ал.
Пикир
Оставить комментарий