Дүйнө чемпионаты (U-23): Бүгүн төрт балбан килемге чыгат

Бишкек, 22.10.24. /Кабар/. Албаниянын Тирана шаарында грек-рим, эркин жана кыз-келиндер күрөшү боюнча мелдештер уланууда.

Дене тарбия жана спорт департаментинен билдиришкендей, бүгүн килемде грек-рим күрөшү боюнча 63, 77, 87, 130 кг салмак категориясында беттештер өтөт.

Кыргызстандын атынан төрт балбан килемге чыгат:

• 63 кг Мухаммед Калбаев – Бренди Слингерс (Нидерланды);
• 77 кг Ырыскелди Максатбек уулу– Сарычечек (Түркия) Оржонюникизде (Грузия);
• 87 кг Асан Жанышов – Руиз Марин (Венгрия);
• 130 кг Эрлан Манатбаев – Ковали Ростислав (Молдова).

Беттештер Бишкек убактысы боюнча саат 14:30дө башталат.