Дүйнөдө коронавирус жуктуруп алгандардын саны дээрлик 125 миңге жетти

Бишкек, 12.03.20 /Кабар/. COVID-19 коронавирусуна чалдыккандардын жалпы саны дээрлик 125 миңге жетти, деп билдирет Газета.ру DXY.cnга шилтеме берип.

Акыркы маалыматтарга ылайык, Кытайда 80,7 миң адам илдетти жугузуп алган, ал эми башка өлкөлөрдө 37 миң адам бул илдетке чалдыккан. Алардын ичинен вирустан көз жумгандардын саны 4,5 миң адамды түзөт.

Белгилей кетсек, 2019-жылдын 31-декабрында кытай бийлиги Ухань шаарында пневмония оорусу күч алганын маалымдаган. Оорунун козгоочусу коронавирустун жаңы түрү болгон. Ал вируска кийинчерээк Covid-2019 деген аталыш берилген.