Дүйнө жүзү боюнча жашоого эң ыңгайлуу шаар айтылды

Бишкек, 04.09.19. /Кабар/. Австриянын борбору Вена шаары дүйнөнүн эң ыңгайлуу шаары аталды. Бул тууралуу британиялык Economist журналы билдирди.

Маалыматка ылайык, мурунку жылы да Вена шаары сап башына чыккан. Ага чейин Австралиядагы Мельбурн шаары жашоого эң ыңгайлуу жер деп аталып келген. Үчүнчү орунга Сидней калаасы жайгашса, япониялык Осаку шаары кийинки баскычка илинген.

Тизменин аягында Сириянын Дамаск шаары орун алган.

Аталган тизме түзүүдө шаардын туруктуулугу, саламаттык сактоо деңгээли, маданияттын өнүгүшү, билим берүү тармагы, айлана-чөйрөнүн тазалыгы жана инфраструктуранын өнүгүшү эске алынган.