Дача-Суу окуясын иликтөө боюнча коомдук комиссия ишин баштады

Бишкек, 12.05.22. /Кабар/. Бүгүн, 12-майда Бишкекте Дача-Суу окуясын иликтөө боюнча коомдук комиссия ишин баштады.

Жолугушуунун жүрүшүндө комиссиянын катышуучулары иштөө маселелерин, регламентти жана башка уюштуруу маселелерин талкуулашты. Муну менен катар комиссиянын мүчөлөрү алар жооп издей турган маселелерди талкуулашты.

Белгиленгендей, комиссиянын максаты 2017-жылы “Манас” аэропортуна жакын учак кулаган учурда курмандыктарга алып келген бийлик органдарынын аракеттерин жана аракетсиздигин аныктоо болуп саналат.

Муну менен катар айрым мүчөлөрдүн жеке кызыкчылыгына байланыштуу комиссиянын курамы кайра каралышы мүмкүн. Мындан тышкары, коомдук комиссияга мүчө болуу партия мүчөлөрүнүн жана ошол учурда жооптуу болгондордун арасында күмөндүү. Комиссиянын негизги максаты чындыкты таап, коомчулуктун суроо-талабына жооп берүү экени белгиленет.

Эскерте кетсек, КР президенти Садыр Жапаров 2017-жылы 16-январда Чүй облусунун Сокулук районуна караштуу Дача-Суу айылында Боинг-747 жүк ташуучу учагынын кырсыкка учуроосунун себебин жана шарттарын изиктөө боюнча коомдук комиссия түзүү тууралуу жарыялаган.

2017-жылы 16-январда Гонконгдон Стамбулга бара жаткан ACT Airlines (MyCargo) авиакомпаниясынын Boeing-747-400F жүк ташуучу учагы кырсыкка учурап, жыйынтыгында 39 адам каза болгон: анын ичинен төртөө экипаж мүчөлөрү – Түркиянын жарандары жана 35и Кыргызстандын жараны.