Бишкек, 23.04.20. /Кабар/. Кыргызстанда 23-апрель саат 10:00гө карата коронавирус жуктурган дагы 19 жаңы учур катталды. Бул тууралуу саламаттык сактоо министринин орун басары Нурболот Үсөнбаев өкмөт үйүндө өткөн маалымат жыйында билдирди.
Анын айтуусуна караганда, учурда өлкөдөгү эпидемиологиялык абал толук көзөмөлдө.
"Жаңы катталган учурлардын ичинен Бишкек шаарында - 8, Чүй облусунда - 4, Ош шаарында - 4 жана Ош облусунда - 3 учур бар. Республика боюнча жалпы коронавирус жуккандардын саны учурда 631ге жетти", - дейт ал.
Белгилей кетсек, 23-апрелге карата оорудан айыккан 302 адам ооруканадан чыгарылды, сегиз адам каза тапты.
Пикир
Оставить комментарий