Бишкек, 05.09.22. /Кабар/. 3-сентябрда 22:00дө Бишкек – Нарын – Торугарт унаа жолунун 14-чакырымында ири унаа кырсыгы катталды.
Жол кыймылынын коопсуздугун көзөмөлдөө башкы башкармалыгынан билдиргендей, “БМВ” унаасы каршы тилкеге чыгып, “Мазда” унаасы, андан кийин “Мерседес-Бенс” менен сүзүшкөн.
Кырсыктын кесепетинен 5 адам каза болду:
1. К.С.З. 1986-жылы туулган, “БМВнын” айдоочусу;
2. А.А.А. 1994-жылы туулган, “Мазда демионун” айдоочусу;
3. К.З.Т. 2002-жылы туулган, “БМВнын” жүргүнчүсү;
4. Ж.А.Э. 2017-жылы туулган, “БМВнын” жүргүнчүсү;
5. К.Х.М. 1951-жылы туулган, “БМВнын” жүргүнчүсү.
Жабыркагандар:
1. Ш.С.Ш. 2006-жылы туулган;
2. Ж.А.Э. 2019-жылы туулган;
3. М.Б.К. туулган жылы такталууда.
Жабыркагандардын бары Ысык-Ата райондук ооруканасына жаткырылган.
Ведомстводон тактагандай, “БМВнын” жүргүнчүлөрү “Гавайи” эс алуу борборунда болушкан.
Пикир
Оставить комментарий