Бишкек, 01.11.24. /Кабар/. Күн мурун Доха шаарында Кыргызстандын элчиси Марат Нуралиев Катардын Соода өнөр-жай палаталарынын башкаруу кеңешинин төрагасынын биринчи орун басары Мухаммед бин Ахмед Тувар Аль-Куварий менен жолугушту.
Кыргызстандын тышкы саясий ведомствосунан билдиришкендей, жолугушуунун жүрүшүндө тараптар кыргыз-катар соода экономикалык кызматташтыгын бекемдөөнүн жана эки өлкөнүн бизнес коомчулугунун ортосундагы мамилелерди түзүүнүн келечегин талкуулашты.
Мындан тышкары, тараптар жакында Доха шаарында кыргыз-катар биргелешкен бизнес форумун өткөрүү мүмкүнчүлүгү боюнча пикир алмашышты.
Жолугушуунун соңунда сүйлөшүүдө жетишилген макулдашууларды мындан ары ишке ашыруу үчүн ар дайым тыгыз байланышта болуу макулдашылды.
Пикир
Оставить комментарий