Бишкек, 13.05.22. /Кабар/. Бишкек – Торугарт унаа жолунун 12-чакырымында жаңы төрөлгөн эки ымыркайдын сөөгү табылды.
“Кабар” агенттигине Чүй облустук милициясынан билдиришкендей, бул тууралуу маалымат Аламүдүн РИИБне 12-майда түшкөн.
Окуя болгон жерге келген милиция кызматкерлери ымыркайлардын сөөгүн Дордой-2 жаңы конушунун аймагынан табышкан.
Аталган факт маалыматтардын электрондук журналына катталып, тиешелүү экспертизалар дайындалды.
Материалдар Свердлов райондук ички иштер башкармалыгына өткөрүп берилет.
Пикир
Оставить комментарий