Бишкек, 27.07.18. /Кабар/. Бүгүн, 27-июлда, Санкт-Петербург шаарында (Россия Федерациясы) өткөн Евразия Өкмөттөр аралык Кеңешинин (ЕӨАК) кезектеги жыйынынын жыйынтыгы боюнча ЕАЭБ катышуучу-өлкөлөрүнүн Өкмөт башчылары бир катар документтерге кол коюшту. Бул тууралуу КР өкмөтүнүн аппаратынын маалыматтык камсыздоо бөлүмү билдирет.
Төмөндө документтердин тизмеси келтирилген:
1. Евразия экономикалык биримдигинин санариптик күн тартибин ишке ашыруунун жүрүшү жөнүндө. - Тапшырма.
2. Евразия Өкмөттөр аралык Кеңешинин 2018-жылдын 2-февралындагы №2 Тапшырмасын аткаруу боюнча иштердин жүрүшү жөнүндө - Тапшырма
3. Евразия Өкмөттөр аралык Кеңешинин 2018-жылдын 2-февралындагы №4 Тапшырмасын аткаруу тууралуу - Тапшырма, Чечим.
4. Евразия Өкмөттөр аралык Кеңешинин 2018-жылдын 2-февралындагы №3 Тапшырмасын аткаруунун жүрүшү тууралуу - Тапшырма
5. Евразия экономикалык биримдигинин мүчө-мамлекеттеринин экспортерлоруна Россия Федерациясынын деңиз портторунун инфраструктураларынын кызматтарынын жеткиликтүүлүгү жөнүндө - Тапшырма.
6. Евразия экономикалык комиссиясынын Коллегиясынын 2018-жылдын 29-майындагы «Евро биримдик өлкөлөрүнөн чыккан жана Евразия экономикалык биримдигинин бажы аймагына ташылган гербициддерге карата антидемпингдик алымдарды киргизүү аркылуу антидемпингдик чараны колдонуу жөнүндө» №90 Чечимин жокко чыгаруу жөнүндө - Тапшырма.
7. Евразия экономикалык биримдиги жөнүндө 2014-жылдын 29-майындагы Келишимге өзгөртүүлөрдү киргизүү жөнүндө Протоколдун долбоорунун үстүндө иштөөнүн жүрүшү тууралуу - Буйрук, Тапшырма.
8. Жогорку Евразия экономикалык кеңешинин «Евразия экономикалык биримдигинин жалпы газ рыногун түзүү жөнүндө» чечиминин долбоору жөнүндө - Тапшырма.
9. Авиациялык кырсыктарды жана олуттуу окуяларды тергөө боюнча орган түзүү иштеринин жүрүшү жөнүндө - Буйрук.
10. Чет мамлекеттер тарабынан мүчө-мамлекеттерге карата бир жактуу протекционисттик чараларды киргизүү шарттарында ЕАЭБ мүчө-мамлекеттеринин экономикалык кызыкчылыктарын коргоо жамааттык чараларын колдонуу жөнүндө - Тапшырма.
11. Евразия экономикалык биримдиги жөнүндө 2014-жылдын 29-майындагы Келишимге өзгөртүүлөрдү киргизүү жөнүндө - Тапшырма.
12. Евразия экономикалык комиссиясынын 2017-жылдагы чечимдеринин долбоорлорунун жөнгө салуучу таасирин баалоо мониторинги жөнүндө Евразия экономикалык комиссиясынын жылдык отчету тууралуу - Буйрук.
13. 2017-жылдагы Евразия экономикалык биримдигинин мүчө-мамлекеттерин бюджеттеринин ортосундагы ташып кирүү бажы алымдарынын суммасын эсептөө жана бөлүштүрүү жөнүндө- Буйрук.
14. Өндүрүштүн артыкчылыктуу тармактарында кооперация жана импортту алмаштырууда интеграциялык өз ара аракеттенүү маселелери боюнча жогорку деңгээлдеги жумушчу топту түзүү жөнүндө - Буйрук.
15. Жогорку Евразия экономикалык кеңешине Кеңештин мүчөлөрүнүн жана Евразия экономикалык комиссиясынын Коллегиясынын мүчөлөрүнүн талапкерлерин сунуштоо жөнүндө - Буйрук.
16. Евразия Өкмөттөр аралык Кеңешинин кезектеги жыйынын өткөрүү убактысы жана жери жөнүндө - Буйрук.
Эскерте кетсек, Евразия Өкмөттөр аралык Кеңешинин жыйынында тар жана кеңейтилген түрдө ЕАЭБ катышуучу-өлкөлөрүнүн: Армения Республикасынын, Беларусь Республикасынын, Казакстан Республикасынын, Кыргыз Республикасынын жана Россия Федерациясынын Өкмөт башчылары катышууда.
Жыйындын жыйынтыгы боюнча ЕӨАК кезектеги жыйынын үстүбүздөгү жылдын октябрында Беларусь Республикасында өткөрүү чечими кабыл алынды.
Пикир
Оставить комментарий