Бишкек, 22.04.19. /Кабар/. Улуттук статистика комитети Евразиялык экономикалык биримдикке кирген өлкөлөрдүн борбор калааларындагы азык-түлүк баасын салыштырып талдоо жүргүзүп, ага ылайык Бишкектеги азык-түлүк баалары башкаларга караганда арзан болуп чыккан.
Эсептөөлөр боюнча, 2019-жылдын март айына карата негизги азык-түлүктөрдүн баалары Москва шаарында жогорку болгон.
Москвада бир килограмм уй эти, кой эти, май, картошка, биринчи сорттогу ун, он жумуртка жана бир бөлкө нан кирген азык-түлүк куржуну 30,41 доллар турган. Бишкекте аларды 16,4 доллар, Нур-Султанда 18,69 доллар, Минскте 15,7 долларга сатып алууга болот.
Ошол эле учурда Статистика комитети билдиргендей, Кыргызстанда ушул жылдын январь-февраль айында бир кызматкердин номиналдык айлык акысы (чакан ишканаларды эсепке албаганда) 15 миң 226 сомду (218,1 доллар) түзгөн. Ал былтыркы жылга караганда 4,6%га өскөн.
"КМШ өлкөлөрү боюнча орточо айлыктын кыскача анализи көрсөткөндөй, Кыргызстандагы айлык акы (доллар менен алганда) башка өлкөлөргө караганда аз. Маселен, Россиядан 3 эсе, Казакстан менен Беларустан 2 эсе, Армениядан 1,5 эсе аз. Ошентип, Кыргызстан маяна боюнча Евразиялык экономикалык биримдикке кирген өлкөлөрдүн арасынан акыркы орунда турат", - деп билдирет мекеме.
Таблица: 2019-жылдын март айындагы Евразия экономикалык биримдигине (ЕЭАБ) мүчө-мамлекеттердин борбор шаарларында негизги тамак-аш азыктарынын орточо керектөө баалары:
(килограмм үчүн АКШ доллары 1)
|
|
Бишкек ш. |
Нур-Султан ш. |
Москва ш. 2 |
Минск ш. 2 |
|
|
Уйдун эти |
4,68 |
4,55 |
6,24 |
4,45 |
|
|
Койдун эти |
4,23 |
4,99 |
7,37 |
- |
|
|
Ак (каймак) май |
4,53 |
6,57 |
12,48 |
7,86 |
|
|
Пастеризацияланган сүт, литр |
0,75 |
0,66 |
1,12 |
0,63 |
|
|
Жумуртка, ондук |
1,02 |
0,82 |
1,19 |
1,06 |
|
|
Биринчи сорттогу буудай уну |
0,42 |
0,49 |
0,65 |
0,58 |
|
|
Биринчи сорттогу ундан жасалган нан |
0,60 |
0,38 |
0,90 |
0,74 |
|
|
Картошка |
0,21 |
0,23 |
0,46 |
0,38 |
|
Пикир
Оставить комментарий