Бишкек, 21.07.23. /Кабар/. Ош шаарында фотографтардын сынагы өтөт, деп билдирет мэриянын басма сөз кызматы.
Маалыматка ылайык, шаарда өлкө Эгемендүүлүгүнүн 32 жылдыгына жана көрүнүктүү мамлекеттик ишмер Насирдин Исановдун 80 жылдык мааракесине карата, 31-август күнү “Түштүк базары” республикалык көргөзмө-сынак жарманкесинин алкагында “Жергемдин жети керемети” аталышындагы фото көргөзмө өтөт.
Фото көргөзмөдө өлкөнүн ар кайсыл облус аймактарынын же шаардын жеке тарыхы, тарыхый эстеликтери, маданий жана социалдык өзгөчөлүгү, кооз табияты, адеп-ахлактык темалары чагылдырылат.
Сынакка жети дубандын жана Ош, Бишкек шаарларынын таланттуу фото-сүрөтчүлөрү (топторго бөлүнүп) катышып, өз аймактарын даңазалашат.
Жеңүүчүлөр атайын байгелер менен сыйланышат.
Пикир
Оставить комментарий