Жакында Кыргызстанда референдум жана жергиликтүү кеңештерге шайлоо өтөт. Мындан тышкары, жыл башында президенттик шайлоо өткөн, ал эми күзүндө парламенттик шайлоо өткөрүү пландалууда. “Кыргызстандагы саясий процесстер жана алдыдагы шайлоо жана жаңы Конституция боюнча референдум өткөрүүдө тышкы факторлордун таасири” конференциясынын жүрүшүндө эксперттер учурдагы кырдаалды талкуулоо үчүн чогулушту, аны КРнын “Альфа” атайын багыттагы бөлүмүнүн эл аралык ардагерлер ассоциациясы менен өнөктөштүктө КРнын “Пикир” аймактык эксперттер клубу уюштурду.
Тарых илимдеринин доктору, Конституциялык кеңешменин мүчөсү Мурат Иманкуловдун пикиринде, азыркы кырдаалда бейөкмөт уюмдарды каржылоо маселесинде ачык-айкындуулук зарыл.
“Бейөкмөт уюмдардын максаты – тигил же бул социалдык маселелерди чечүү. Бирок, көпчүлүк учурда өкмөттүк эмес тармактар, мисалы Сорос фонду бул норманы бузат. Аталган чет өлкөлүк уюм кандайдыр бир ыкма менен КРдагы саясий процесстерге таасир этүүгө укугу жок, бирок анын аткаруучу директору өзүнүн мандатынын рамкасынан чыккан учурлар көп кездешет. Муну менен катар аталган уюм аркылуу бөлүнгөн акчалар Улуттук банк же мамлекеттик түзүндөр тарабынан көзөмөлдөнбөйт. Мисалы, биз 2005-жылы америкалыктар КРдагы революцияга 100 млн доллар коротконун билебиз, бул маалыматты кийинчерээк француздар ачыкташкан”,-деди Иманкулов.
Ал ошондой эле, көпчүлүк учурда бейөкмөт уюмдар кайтарымсыз жардамга берилген акчаларды кийин бийликке айтыла турган сын-пикирлерди жаратуу үчүн пайдаланышат деп кошумчалады. Иманкулов бул маанилүү учур, ошондуктан жаңы Конституцияда жөнгө салууну чечишти деп кошумчалашты.
«Кабар» МАб
Пикир
Оставить комментарий