Бишкек, 26.04.21. /Кабар/. Кыргыз Республикасынын эл жазуучусу, Кыргыз Республикасынын Баатыры Бексултан Жакиевдин сөөгү “Ала-Арча” көрүстөнүнө коюлду.
Маркум менен коштошуу зыйнаты Бишкектеги Кыргыз улуттук опера жана балет театрында өтүп, ага Жогорку Кеңештин төрагасы Талант Мамытов, премьер-министр Улукбек Марипов, президентинин аппарат жетекчиси Сүйүнбек Касмамбетов, маданият министри Кайрат Иманалиев, бир катар маданият ишмерлери жана маркумдун жакындары катышты.
Белгилей кетсек, Бексултан Жакиев 2021-жылдын 25-апрелинде катуу оорудан улам 85 жаш курагында дүйнөдөн кайтты.
Бексултан Жакиев 1936-жылы 16-январда Ысык-Көл облусунун Тоң районундагы Бөкөнбаев айылында туулган.
Пикир
Оставить комментарий