Бишкек, 11.09.23. /Кабар/. «Электр станциялары» ишканасынын филиалдары күз-кыш мезгилине даярдыктарды улантууда, деп билдирет Энергетика министрлигинин басма сөз кызматы.
Маалыматка ылайык, азыркы убакытта Таш-Көмүр ГЭСинде 2023-2024-жылдардын күз-кыш мезгилине даярдык көрүү максатында Т-2 блогунун трансформаторун утурумдук оңдоо иштери аяктап, ГА-2 генераторун утурумдук оңдоо иштери улантылууда.
Шамалды-Сай ГЭСинде бүгүн Т-1 блоктук трансформаторун утурумдук оңдоо иштери аяктады. Ушул жылдын 4-сентябрынан ГА-1 генераторун учурдагы оңдоо иштери уланууда.
Үч-Коргон ГЭСинде бүгүн ВЛ-110-Ш-Сайдагы ажыраткычты учурдагы оңдоо иштери аяктады.
Ошондой эле Энергертика министрлигинен ГА-1ди капиталдык оңдоо иштери уланып жатканын, ал ушул жылдын 19-августунда башталганын жана планга ылайык 2023-жылдын 24-сентябрында бүтөөрүн кошумчалашты.
ГЭСтин электр машиналарын жасоочу цехинин жана электр лабораториясынын кызматкерлери пландуу профилактикалык иштерди жургузүп жатышат.
Ведомстводон бардык оңдоо иштери белгиленген графиктер боюнча өз убагында жүргүзүлүп жаткандыгын белгилешти.
Пикир
Оставить комментарий