Бишкек, 02.08.24. /Кабар/. Бүгүнкү күндө 20дан ашык өлкөдө Кыргызстандын 199 диаспоралык уюму бар. Бул тууралуу Эмгек, социалдык камсыздоо жана миграция министрлигинен билдиришти.
Диаспоралардын эң көп саны КМШ өлкөлөрүндө – 135:
- Россияда – 124,
- Казакстанда – 7,
- Өзбекстанда, Тажикстанда, Түркмөнстанда жана Украинада – бирден уюм.
Европа өлкөлөрүндө 37 диаспора иштейт, Түркия - 7, Германия- 10, Италия - 9, Улуу Британияда Чехия, Нидерланды, Бельгия жана Бенилюкс өлкөлөрүндө экиден, Австрия, Франция, Литва, Словакияда жана Швейцарияда бирден.
Дагы 13 диаспоралык уюм Азия жана Чыгыш өлкөлөрүндө – Кореяда, Японияда жана Малайзияда жашашат жана ошол эле диаспоралар – Канадада жана АКШда.
Африка өлкөлөрүндө Египетте бир гана диаспора бар.
Министрлик тарабынан диаспоралык уюмдар менен иштөө, анын ичинде коопсуз миграция боюнча консультация берүү, юридикалык жана башка жардамдар жүргүзүлүүдө.
Бул үчүн коомдук өкүлдөр институту түзүлгөн, алар эмгек мигранттарына консультациялык жана практикалык жардам көрсөтүшөт, анын ичинде полиция бөлүмдөрүндө, сот жана мамлекеттик органдарда алардын кызыкчылыгын көздөшөт. Бүгүнкү күндө Россияда жана Италияда 12 коомдук өкүл бар.
Пикир
Оставить комментарий