Бишкек, 29.05.24. /Кабар/. Саламаттык сактоо министрлиги менен Санариптик өнүктүрүү министрлиги "Түндүк" мобилдик тиркемесинин жардамы менен алдыдагы эмдөө тууралуу жекелештирилген билдирүү кызматын ишке киргизди.
Ведомстводон маалымдашкандай, кызматтын максаты – жарандарга Профилактикалык эмдөө календарынын алкагында адамдын жаш курагына жана сунушталган вакциналарга жараша эмдөөдөн өтүү зарылчылыгы жөнүндө маалымат берүү.
Ошондой эле ата-энелер "Түндүк" тиркемеси аркылуу балдары да үчүн ушундай билдирүүлөрдү алышат. Билдирүүлөр жарандардын ден соолугуна жана балдарынын ден соолугуна кам көрүүнү эскертет. Жасалган эмдөөлөр Санариптик ден соолук профилиңизде көрсөтүлөт.
Эскертүү: Эгер балаңыздын санариптик ден соолук профили мобилдик тиркемеңизде көрүнбөсө, аны санариптештирүү үчүн арыз берсеңиз болот. Муну эки жол менен жасоого болот:
1. Онлайн:
— "Маалыматтар дал келбейт" дегенди басасыз;
— андан кийин "Туулгандыгы тууралуу күбөлүк көрүнбөйт" дегенди тандайсыз;
— керектүү талааларды толтурасыз.
2. Оффлайн:
— туулгандыгы тууралуу күбөлүк менен жакынкы калкты тейлөө борборуна кайрылыңыз.
Кызмат жарандарга эмдөө жөнүндө өз убагында маанилүү маалыматты алууга жана заманбап санариптик чечимдерди колдонуу менен ден соолукту сактоого жардам берет.
Пикир
Оставить комментарий