Бишкек, 10.07.18. /Кабар/. Түркияда кайрадан шайланган президент Режеп Тайып Эрдоган 9-июлда Анкарада ант берип, президенттик кызматтагы экинчи мөөнөтүнө расмий түрдө киришти. Инаугурацияга Кыргызстандын президенти Сооронбай Жээнбеков да катышты.
Ант берүү аземинен кийин Эрдоган "түрк атасы" аталган Мустафа Кемал Ата Түрктүн кабырына барып, анда сүйлөгөн сөзүндө өлкөнү азыркы жол менен өнүктүрүүнү уланта турганын айтты:
- Биз Түркияны бардык тармакта бекемдейбиз, анын ичинде коргонуу жана чек ара коопсуздугу боюнча. Макроэкономикалык көрсөткүчтөр бизди дүйнөдөгү экономикасы чоң он өлкөнүн катарына кошмойунча, бардык тармакка ири инвестицияларды салабыз, - деди Эрдоган.
Расмий маалыматтарга караганда, 24-июнда өткөн мөөнөтсүз президенттик шайлоодо Эрдоган 52 пайыздан ашык добуш менен экинчи жолу шайланды. Бул анын мамлекет башчы катары бийликтеги экинчи мөөнөтү, бирок президент катары чексиз бийликти алган алгачкы мандаты.
9-июлда бир жыл мурун референдум аркылуу Конституцияга киргизилген өзгөртүүлөр күчүнө кирди. Оппозиция бул өзгөртүүлөр “бийликтин бир колго топтолушуна шарт түзөт" деп эсептейт.
Эрдоган өзү 80 миллион калкы бар Түркияга “жаңы доордогу жаңы өнүгүүнү” убада берүүдө.
Пикир
Оставить комментарий