Бишкек, 22.02.20./ Кабар/. Эркин күрөш боюнча Индияда өтүп жаткан Азия биринчилигинде кыргызстандык балбан Арсалан Будажапов алтын алды.
Будажапов 79 килограмм салмакта күрөшкөн. Финалда ал индиялык Балиян Гоурав менен күрөшүп, аны 7:5 эсебинде жеңип чыкты.
Кыргызстандык балбан жарышты чейрек финалдан баштап, анда казакстандык балбан Галымжан Усербаевди (4:2) жеңген. Андан кийин жарым финалда ирандык Али Бахтияр Савадкухини 3:1 эсебинде жеңип чыккан.
Эскертке кетсек, Нью-Делиде (Индия) өтүп жаткан күрөш боюнча Азия биринчилиги 18-23-февраль күнү болуп өтөт.
Пикир
Оставить комментарий