Бишкек, 20.03.22. /Кабар/. Эртең, 21-мартта, Баткен шаарындагы борбордук стадиондо “Нооруз - 2022” майрамы республикалык деңгээлде өтөт. Бул тууралуу президенттин облустагы өкүлчүлүгүнүн басма сөз кызматы билдирет.
Маалыматка ылайык, салтанаттын жүрүшүндө:
- кол өнөрчүлүк, тамак аш, айыл чарба жарманкелери;
- улуттук классикалык күрөш мелдеши;
- "Баткен килемдери” аллеясы;
- 1 тонна сүмөлөк бышырылат;
- Баткен облусунун 3 район, 3 шаарлары тарабынан боз үйлөр тигилет;
- “Нооруз” театралдаштырылган прологу көрсөтүлөт.
Анлан тышкары, кыргыз эстрада жылдыздарынын катышуусунда Нооруз майрамына арналган концерттик программа болот. Концерттик программа кечинде да уланып, облус тургундары үчүн майрамдык маанай тартууланат.
Белгилей кетсек, майрамдык иш-чаранын расмий бөлүгү саат 10:00дө башталат. Стадионго кирүү көзөмөлдүн негизинде жүргүзүлөт. Өкүлчүлүк облус тургундарын саат 09:00гө чейин кечикпей текшерүүдөн өтүп, борбордук стадионго жайгашууга чакырат.
Пикир
Оставить комментарий