Бишкек, 06.12.18 /Кабар/. Бишкекте 5-декабрда FFKR Football Awards сыйлыктарын тапшыруу аземи болуп өттү. Футбол федерациясынын маалыматы боюнча, 2018-жыл ийгиликтүү, аркандай эл аралык турнирлерге бай жыл болду.
Эң чоң ийгилик – Кыргызстанды улуттук курама командасынын 2019-жылы өтө турган Азия чемпионатына жолдомо алуусу.
FFKR Football Awards-2018 сыйлоо аземинде жылдын мыкты оюнчусу жана машыктыруучуларды 11 категория боюнча аныкташкан. Тандоону футбол федерациясынын 30 кишиден турган атайын комиссиясы жүргүзгөн.
Кайрат Жыргалбек уулу Кыргызстандын 2018-жылдагы мыкты футболчусу аталды. Ал эми ТОП-Лиганын мыкты оюнчусу Шерзот Шакиров болсо, Улан Байгазы уулу футзал боюнча мыкты оюнчу наамынын ээси болду.
Ардагерлер лигасынын мыкты оюнчусу Евгений Пилипас, кыз-келиндер арасында мыкты футболчу – Айжан Боронбекова.
Пикир
Оставить комментарий