Бишкек, 17.10.17. /Тумара Туратбекова – Кабар/. Футзал боюнча Кыргызстандын улуттук курама командасы Азия-2018 мелдешинин финалдын бөлүгүнө мөөнөтүнөн мурда чыкты.
Тандоо сынагы 15-октябрда ирандын Тебриз шаарында өткөн. Анда чучугулактын жыйынтыгы боюнча Кыргызстандын курамасы Өзбекстан, Түркмөнстан жана Непалдын командалары менен “А” тайпасына кирген.
КР футболчулары биринчи оюнда Түркмөнстандын курама командасын 5:3 эсебинде жеңип, экинчи айлампада Непалдын курамасын – 5:0 эсебинде уткан.
Бүгүн, 17-октябрда жыйынтыктоочу оюнда Кыргызстанын курамасы Өзбекстан менен ойноп, тайпанын жеңүүчүлөрү аныкталат.
Азия чемпионаты 2018-жылы кытайдын Тайбэе шаарында өтөт.
Пикир
Оставить комментарий