Бишкек, 25.11.23. /Кабар/. Ички иштер министрлиги тарабынан расмий издөөдө жүргөн Кыргызстандын жараны кармалды. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, 2023-жылдын 14-ноябрында УКМК кызматкерлери тарабынан Кыргызстандын мамлекеттик чек арасын мыйзамсыз кесип өткөн деген шек менен 1989-жылы туулган КР жараны Ч.А.Т. кармалган. Ал 2017-жылдан бери каракчылыкка катышкандыгы үчүн ИИМ тарабынан расмий издөөдө жүргөн.
Жүргүзүлгөн ыкчам-издөө иш-чараларынын алкагында Ч.А.Т. ушул жылдын жайында жеке адамдар менен сүйлөшүп алып, Кыргызстандын мамлекеттик чек арасын мыйзамсыз кесип өтүп, Кыргыз Республикасына келип, аткезчилик жол менен күйүүчү-майлоочу майларды сатуу менен алектенген.
Учурда бул кылмыштын шериктери такталууда.
Пикир
Оставить комментарий