III Элдик курултайдын эсептөө комиссиясынын жана улуттук кеңешинин мүчөлөрү шайланды

Бишкек, 20.12.24./Акназик Тургунбаева - Кабар/. Бүгүн Бишкектеги Т.Сатылганов атындагы Кыргыз улуттук филармониясында III Элдик курултай өтүүдө.

Курултайды уюштуруу комитетинин төрагасы, мамлекет катчы Сүйүнбек Касмамбетов ачты.

Андан соң, Элдик курултайдын эсептөө комиссиясы жана улуттук кеңешинин мүчөлөрү шайланды. Делегаттардын ичинен эсептөө комиссиясына 9 мүчө, ал эми улуттук кеңешке 17 мүчө тандалып алынды.

Учурда акыркы төрт жылдагы өлкөнүн жетишкендиктери жана ар кыл тармактарда аткарылып жаткан иштер боюнча кыска видео тасма көрсөтүлүүдө.

Белгилей кетсек, III Элдик курултайга 689 делегат, ошондой эле президент Садыр Жапаров, Жогорку Кеңештин депутаттары, министрлер кабинетинини мүчөлөрү, мамлекеттик органдардын жана президенттин облустардагы өкүлдөрү катышууда.