• 86.94
  • 93.43
  • 0.98

ИИМ диний-экстремисттик уюмдун активдүү лидерлерин жана мүчөлөрүн кармады

Укук тартиби 0

Бишкек, 17.05.24. /Кабар/. Ички иштер министрлиги ыкчам-иликтөө иш-чараларынын натыйжасында "Хизбут-Тахрир" диний-экстремисттик уюмунун активдүү лидерлерин жана мүчөлөрүн кармады.

Ведомстводон маалымдашкандай, буга чейин Чүй облустук ички иштер башкы башкармалыгынын Тергөө кызматы КР Кылмыш-жаза кодексинин"Экстремисттик материалдарды даярдоо, таратуу" беренеси боюнча кылмыш ишин тергеп келген.

Козголгон кылмыш ишинин алкагында "Экстремист" аталыштагы иш-чара өткөрүлүп, ИИМдин Экстремизмге жана мыйзамсыз миграцияга каршы аракеттенүү боюнча кызматынын, Улуттук коопсуздук мамлекеттик комитетинин жана анын Чүй ОИИББдин кызматкерлери Бишкек шаары, Чүй, Ысык-Көл жана Нарын облустарынын аймагында жашаган "Хизб ут-Тахрир Аль Ислами" ДЭУнун активдүү лидерлеринин жана мүчөлөрүнүн даректеринде тинтүү иш-чараларын жүргүзүшкөн.

Натыйжада ар кандай экстремисттик мазмундагы материалдар, уюлдук телефондор, электрондук жабдыктар алынып, аталган диний экстремисттик уюмдун активдүү 4 лидери жана мүчөлөрү кармалып, камакка алынды.

Азыркы учурда алынган далил буюмдар боюнча тийиштүү экспертизалар дайындалып, кошумча тергөө амалдары жүргүзүлүүдө.

ИИМ диний экстремисттик агымдардын ишмердүүлүгүнө бөгөт коюу боюнча иштерди улантат.

Пикир

Оставить комментарий