Бишкек, 15.02.22. /Кабар/. Бүгүн, 15-февралдан баштап ИИМдин Кылмыш иликтөө башкы башкармалыгынын демилгеси менен республиканын бардык аймагында “Ууру” комплекстүү ыкчам иликтөө жана алдын алуу иш-чарасы башталды. Бул тууралуу КР ИИМдин басма сөз кызматы билдирди.
Рейддик иш-чаранын максаты кылмыштарды алдын алуу, криминогендик абалды жакшыртуу, уурулук менен алектенген кылмыштуу топторду аныктоо жана бөгөт коюу. Андан сырткары, уурдалган мүлктөрдү сатуу менен алектенгендерди аныктоо иштери жүргүзүлөт.
Жүргүзүлүп жаткан иш-чаранын башкы тапшырмаларынын бири өздүк мүлккө кылмыштуу кол салуудан коргоонун ыкмалары жана жолдору тууралуу калк арасында түшүндүрүү иштерин жүргүзүү.
Пикир
Оставить комментарий