Бишкек, 24.10.24. /Кабар/. Бүгүн Ички иштер министрлигинин "Шумкар" Атайын багыттагы полкунун өздүк курамы маданий деңгээлин жогорулатуу максатында "Ата-Бейит" улуттук тарыхый-мемориалдык комплексине барышты.
Ведомстводон маалымдашкандай, экскурсиянын жүрүшүндө аларга "Ата Бейит" мемориалдык комплексинин тарыхы, 1916-жылдагы улуттук-боштондук көтөрүлүштүн себептери жана кесепеттери, репрессиянын курмандыктары жана тарыхый эс тутумдун азыркы коом үчүн мааниси тууралуу маалымат берилди.
"Тарыхы болбой, эл болбойт",- демекчи, ар бир элдин басып өткөн тарыхы, маданияты жана каада-салты анын учурдагы жашоосу үчүн өтө маанилүү болуп саналат.
Пикир
Оставить комментарий