Бишкек, 16.05.22. /Кабар/. КР ИИМдин Ички аскерлеринин Командачылыгында кызмат учурунда каза болгон аскер кызматкерлерин эскерүү боюнча иш-чара болуп өттү. Бул тууралуу ИИМдин Ички аскерлеринин басма сөз кызматынан билдиришти.
Иш-чарага ардагерлер, каза болгон аскер кызматкерлердин жакындары жана Ички аскерлердин Командачылыгынын өздүк курамы катышты.
Алгач иш-чара ИИМ Ички аскерлеринин Баатырлар аллеясына гүл коюу менен башталды. Андан кийин конокторго Ички аскерлердин каза болгон аскер кызматкерлерине арналган видеоролик тартууланды.
Каза болгон аскер кызматкерлерин эскерүү иш-чаралары КР ИИМдин Ички аскерлеринин бардык аскер бөлүктөрүндө өткөрүлдү.
Пикир
Оставить комментарий