Бишкек, 19.03.22. /Кабар/. Үстүбүздөгү жылдын 19-мартында КР Ички иштер министрлигинин Ички аскерлеринин Командачылыгынын аймагында Нооруз майрамына карата атайын майрамдык иш-чара болуп өттү. Бул тууралуу Ички аскерлердин басма сөз кызматынан билдиришти.
Маалыматка ылайык, майрамдык иш-чарага ИИМ Ички аскерлеринин колбашчысынын орун басары Марат Нуралиев, аскер кызматкерлер менен алардын үй-бүлөл мүчөлөрү, чакырылган коноктор жана ардагерлер катышты.
Аскер кызматкерлеринин жамааты кыргыз элинин каада-салттарын эпизоддук көрүнүштөрү менен демонстрациялап, катышуучуларга Нооруз майрамынын ырым-жырымдарын көрсөтүштү.
"Көркөм чыгармачылык топтун жамааты иш-чаранын катышуучуларына жазгы маанай жана дем күч берип турду. Командалар ортосунда улуттук жана спорттук оюундардын түрлөрү боюнча таймаш өз нугунда өттү", - деп айтылат маалыматта.
Иш-чаранын алдында аскер кызматкерлер Нооруз майрамынын салттуу “Сүмөлөк” тамагынын даамын татышты. Бул тамак түнү бою туруктуу аралаштыруу менен бышырылып, аскер кызматкерлерине таркатылды.
Майрамдык иш-чаранын аягында улуттук-спорттук оюндарынын жеңүүчүлөрүнө грамота жана акчалай сыйлык сыйланышты.
Жазгы Нооруз майрамына арналган иш-чаралар Ички иштер министрилигинин Ички аскерлеринин бардык аскер бөлүктөрүндө белгиленип өттү.
Пикир
Оставить комментарий