Бишкек, 20.03.24. /Кабар/. Бүгүн ИИМдин Ички аскерлеринин аскер бөлүгүнүн спорттук шаарчасынын аймагында жаз майрамы Ноорузга арналган майрамдык иш-чара болуп өттү.
ИИМдин басма сөз кызматынан билдиришкендей, майрамдык иш-чарага ИИМдин Ички аскерлеринин кол башчысынын МУА Марат Нуралиев, өздүк курам жана ардагерлер катышты.
Иш-чаранын башталышында Марат Нуралиев 2024-жылдын 19 мартында өткөн Республикалык Жоокерлер энелери комитети тарабынан Нооруз майрамына карата уюштурулган иш чарада спорттун улуттук түрлөрү боюнча мелдештин жана улуттук тамактардын сынагынын жыйынтыгында ИИМдин Ички аскерлери 1 орунду ээлегендиги менен куттуктап, Ички аскерлердин аялдар кеңешинин төрайымы Токтобүбү Акжолтоевага өткөрүлгөн сынакта жетишкен ийгиликтери жана мыкты даярдыгы үчүн ыраазычылык билдирди.
Иш-чаранын жүрүшүндө сүмөлөк жасалып, жакшы каалоо тилектер айтылды.
Нооруз майрамына арналган иш-чаралар ИИМдин Ички аскерлеринин бардык аскер бөлүктөрүндө мерчемделип, белгиленүүдө.
Пикир
Оставить комментарий