Бишкек, 09.03.24. /Кабар/. Кыргызстандын Ички иштер министрлигинин кызматкерлери дүйнөлүк полиция саммитине катышты.
Ведомстводон билдиришкендей, дүйнөлүк полиция саммити 5-7 мартта Дубайдагы Дүйнөлүк соода борборунда болуп өттү. Дубай полициясы тарабынан уюштурулган иш-чарада полиция күчтөрүнүн учурдагы көйгөйлөрүн, акыркы технологиялык жетишкендиктерди, укук коргоо жана коопсуздук тармагындагы стратегияларды жана инновацияларды изилдөө үчүн аянтча камсыз кылынган.
World Police Summit көргөзмөсүнө 150дөн ашык алдыңкы эл аралык жана аймактык продукция өндүрүүчүлөрү жана укук коргоо органдары үчүн продукциянын ар кандай категориялары боюнча 20дан ашык өлкөдөн кызмат көрсөтүүчүлөр катышты.
Дүйнөлүк полиция саммитинин көргөзмөсү полиция, укук коргоо жана коопсуздук тармагы үчүн кылмыштуулукту аныктоо жана эскертүү боюнча акыркы технологияларды жана кызматтарды көрсөтүүнү камсыздайт.
Кылмыштуулуктун жаңы формалары, технологиянын тез кабыл алынышы жана коомдун өсүп жаткан күтүүлөрү укук коргоо органдарынын негиздерин өзгөртүп жатат. Бул жаңы кыйынчылыктар менен күрөшүү үчүн укук коргоо органдары жаңы куралдарды гана эмес, полициянын жаңы стратегияларын да колдонушу керек.
Укук коргоо органдары кылмышкерлерди кармоо боюнча өздөрүнүн техникалык көндүмдөрүн жана тактикалык мүмкүнчүлүктөрүн өркүндөтүү менен бирге социалдык динамикага ыңгайлашууда.
Полициянын саммитинин жүрүшүндө ар кандай темалар боюнча сессиялар уюштурулду. Чыгып сүйлөгөндөр укук коргоо ишмердүүлүгүнүн алдыңкы жетишкендиктери жөнүндө айтып берип, милиция кызматкерлери колдонгон дрондорду көрсөтүшүп, кызматтык иттерди колдонуу менен иш алып баргандыгын тааныштырды.
Пикир
Оставить комментарий