Бишкек, 28.11.18 /Кабар/. Кыргызстанда көп учурда үй-бүлөлүк зомбулуктун курмандыгы үй-бүлөнүн аялуу мүчөлөрү болушат - булар балдар, карылар, ден соолугунун мүмкүнчүлүгү чектелген адамдар жана аялдар. Бул тууралуу Эмгек жана социалдык өнүгүү министрлигинен билдиришти.
Маалыматка караганда, изилдөөлөр көрсөткөндөй, үй-бүлөлүк зомбулуктун курмандыктарынын 97 пайызы - аялдар, 30 пайыз балдар үй-бүлөдөгү физикалык зомбулуктан жабыркашат жана сурамжылоого катышкандардын 71 пайызы үй-бүлөдөгү карыларга карата зомбулук тууралуу айтышкан.
Эмгек жана социалдык өнүгүү министрлиги башка мамлекеттик органдар менен биргеликте 3 жылдан бери үй-бүлөлүк зомбулуктан коргоо боюнча мыйзамды жакшыртуу боюнча иш жүргүзүүдө.
2017-жылы 27-апрелде "Үй-бүлөлүк зомбулуктан коргоо жөнүндө", "Айрым мыйзам актыларына өзгөртүүлөрдү жана толуктоолорду киргизүү жөнүндө" 2 мыйзам кабыл алынган жана башка 10 мыйзамга тиешелүү түзөтүүлөр киргизилген.
Эл аралык жана улуттук эксперттердин катышуусунда өтө турган тегерек үстөлдө эл аралык стандарттардын позициясынан аталган документтерди анализдөө пландалууда.
Пикир
Оставить комментарий