Бишкек, 12.12.23. /Кабар/. Жалал-Абад облусунун Сузак районуна караштуу Көк-Арт өрөөнүндө кар калың жаап, электр энергиясы үзгүлтүккө учурады. Бул тууралуу Энергетика минисрлиги кабарлайт.
Энергетиктер саат 07:00дөн тарта ар бир мамычаны текшерип, аба чубалгыларды карап, үзүлгөн зымдарын таап, улап жатышат.
"Жалал-Абад электр тармактар ишканасынын эмгек жааматы мындай кырдаалда ыкчам иш алып барууда. Күндүн сууктугуна карабай, карды жиреп иштеп жаткан энергетиктердин максаты - калкты электр жарыгы менен камсыз кылуу", - деп баса белгилешти ведомстводон.
Жалал-Абад электр тармактар ишканасы келтирилген ыңгайсыздык үчүн кечирим сурайт жана тургундарды түшүнүү менен кабыл алууга чакырат.
Пикир
Оставить комментарий