Бишкек, 12.04.19./Кабар/. Көк бөрү оюнунун Жогорку лигасындагы командалар 14-апрель күнү күйөрмандар менен жолугушат. Бул тууралуу Жаштар иштери, дене-тарбия жана спорт мамлекеттик агенттигинен билдиришти.
Жолугушу "Дордой Плаза" соода борборунда өтүп, саат 14:00 башталат. Ага алты команда - Ынтымак, Достук, Бакубат Талас, Көк-Жал, Сары-Өзөн, Сары-Өзөн - Рассвет командалары келет.
Көк бөрүчүлөр күйөрмандарынын жана журналисттердин суроолоруна жооп беришет. Ошондой эле, ал жерде суроо-жооп оюну өткөрүлүп, белектер ойнотулат.
Белгилей кетсек, бул иш-чара көк бөрүнү, улуттук оюндарды жайылтуу максатында уюштурулууда.
Пикир
Оставить комментарий