Бишкек, 12.05.24. /Кабар/. Көк-Жар кичи районунда Коңорчок көчөсүндө Ахунбаев көчөсүнөн Куйручук көчөсүнө чейинки жолду жана тротуарды капиталдык оңдоо иштери жүрүп жатат.
Бишкек шаардык мэриясынан билдиришкендей, бүгүнкү күндө "Бишкекасфальтсервис" муниципалдык ишканасынын адистери жолго асфальт-бетон аралашмасын төшөө үчүн жолдун негизин даярдоодо.
"Жолчулар эски асфальтты сыйрып, жолду түздөп, бордюрларды жана ирригациялык системаны орнотушту. Учурда жолго шагыл төгүү иштери жүрүп жатат", - деп айтылат маалыматта.
Мындан тышкары, Октябрь акимиаты жана №6 муниципалдык аймактык башкармалыгы тарабынан тротуарды оңдоого тоскоол болгон объектилерди жоюу иштери жүргүзүлүүдө.
Ошондой эле жакында 21 телефон мамыларынын тирөөчтөрүн жылдыруу боюнча иштер башталат.
Пикир
Оставить комментарий