Бүгүн Бишкектин айрым жерлеринде жылуулук жана ысык суу берүү убактылуу токтотулат

Бишкек, 26.12.24. /Кабар/. Бүгүн Бишкектин айрым жерлеринде жылуулук жана ысык суу берүү убактылуу токтотулат.

Муниципалитеттен билдиришкендей, бүгүн, 26-декабрда саат 09:00дөн 18:00гө чейин Бишкектин Ибраимов көчөсүндөгү №40, 42, 40/1, 42/1, Бөкөнбаев көчөсүндөгү №59, Шопоков көчөсүндөгү №33, 35 үйлөрдө жылуулук жана ысык суу болбойт.

Белгиленгендей, бул убакта эски жылуулук түтүктөрү алмаштырылып, жаңы орнотулган түтүк тармагына кошуу иштери жүргүзүлөт.

"Бишкек жылуулук тармагы" муниципалдык ишканасы убактылуу ыңгайсыздыктар үчүн кечирим сурайт жана түшүнүү менен мамиле кылууну өтүнөт.