Көңүл буруңуздар! Чүй облусунда бир тууган эки бала изделүүдө

Бишкек, 09.02.21. /Кабар/. Панфилов районунда жашы жете элек бир туугандар Каримжанов Куаныш жана Адыл уулу Арген изделүүдө.

Чүй облусунун ИИББинин басма сөз кызматы билдиргендей, Панфилов районунун Ички иштер органына Вознесеновка айылынын жашоочусу 40 жаштагы К.М. арызы менен кайрылып, 2004-жылы туулган Каримжанов Куаныш жана 2003-жылы туулган Адыл уулу Арген аттуу балдарын издөөгө көмөк көрсөтүүнү өтүнгөн. Алар 2021-жылы 19-январда болжол менен 20:00дордо үйдөн чыгып кеткен бойдон кайтып келишкен эмес.

Каримжанов Куаныш

Белгилери: бою 155-160 см, арык чырай, чачы кара кыска, көзү кара. Кийген кийими: башында кара топу, кызыл түстөгү куртка, кара спорттук шым, кара түстөгү спорттук бут кийим.

Адыл уулу Арген

Белгилери: бою 155-160 см, орто бойлуу, чачы кыска кара, көзү кара. Кийими: башында кара топу, жашыл түстөгү күрмө, ак түстөгү спорттук шым, колунда кара түстөгү портфели болгон.

“Изделип жаткандарды көргөн-билгендер, же алар тууралуу кандайдыр бир маалыматы барлардын баарын төмөнкү телефон номерлерге чалып, билдирип коюңуздарды өтүнөбүз: 0(701) 43-03-19, 0(312) 60-79-89, 0(3137) 51-4-02”, - деп айтылат билдирүүдө.