Көмүрдүн баасы өткөн жылдын декабрына салыштырмалуу 0,6 пайызга төмөндөдү

Бишкек, 16.01.20. /Кабар/. 2020-жылдын 9-январына карата көмүрдүн орточо чекене баалары 2019-жылдын декабрь айына салыштырмалуу бир тонна үчүн 25,14 сомго же 0,6 пайызга төмөндөдү. Бул тууралуу Улуттук статистика комитети билдирет.

Маалыматка ылайык, 2020-жылдын 9-январына карата көмүрдүн максималдуу керектөөчү баалары Ноокат шаарында (бир тонна – 7 532,55 сом) жана Баткен шаарында (бир тонна - 7 318,61 сом) катталды. Ошону менен бирге айрым калктуу конуштарда көмурдүн баасы өзгөрүүсүз сакталып калды.

Ушул эле учурда, минималдуу чекене баалар өткөн мезгилдегидей эле, Балыкчы шаарында (бир тонна – 3 694,59 сом), Нарын шаарында (бир тонна – 3 500 сом) жана Чаек айылында (бир тонна – 2 500 сом) байкалды.

Муну менен бирге, көмүрдүн чекене баасы эң көп өлчөмдө Өзгөндө – тоннасы 402,69 сомго, же 8,1 пайызга жана Таласта – тоннасы 215,71 сомго, же 4,2 пайызга жогорулады. Ушуну менен катар, Баткен шаарында бир тонна – 489,31 сомго же 6,3 пайызга жана Токтогул шаарында – 187,51 сомго же 3,9 пайызга төмөндөгөнү байкалды.

Кыргызстандын айрым калк жашоочу пункттарында көмүрдүн орточо керектөөчү баалары: