Бишкек, 11.10.24. /Кабар/. Өзгөчө кырдаалдар министрлиги 11-октябрда күтүлгөн аба ырайы тууралуу маалымат берди.
Ага ылайык, бүгүн Чүй, Талас облустарынын көпчүлүк аймактарында, Нарын облусунун айрым жерлеринде, Жалал-Абад облусунун тоо этектеринде жана тоолуу райондорунда жаан, бийик тоолуу райондорунда жаан, кар жаашы күтүлөт, Жалал-Абад облусунун өрөөндөрүндө жана Ош, Баткен, Ысык-Көл облустарында жаан-чачын күтүлбөйт.
Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт.
Абанын температурасы Чүй облусунда +15…+20, Талас облусунда +14…+19, Ош, Жалал-Абад жана Баткен облустарында +20…+25, Ысык-Көл облусунда +16...+21, Нарын облусунда +15…+20, ал эми борбор калаа Бишкекте +17…+19 градуска көтөрүлсө, Ош шаарында +23…+25 градуска жетет.
Пикир
Оставить комментарий