Бишкек, 22.08.20. /Кабар/. Күзгө карата даярдалып жаткан бардык 14 саламаттык сактоо объекттин каржылоосу ачык. Бул тууралуу Архитектура, курулуш жана турак жай-коммуналдык чарбасы мамлекеттик агенттиги билдирди.
Ал 14 объекттин куруу жана оңдоо-калыбына келтирүү иштерине жалпы 187 млн сом каржылоо ачылган.
"Бүгүнкү күндө республика боюнча саламаттык сактоонун 5 объектисинин курулушу жана 9 оорукананын капиталдык оңдоо иштери толук кандуу аткарулууда. Белгилей кетсек, 2 объекттин курулушу республикалык бюджеттин эсебинен жүргүзүлүүдө. Ал эми "Аймактарды өнүктүрүү боюнча социалдык өнөктөштүк фонду" КФ эсебинен Бишкек, Ош жана Нарын шаарларында инфекциялык ооруканалардын жаңы 3 имаратын куруу жана республика боюнча 9 объектти капиталдык оңдоп-түзөө жумуштары каржыланууда", - деп билдирет агенттик.
12 объекттеги иштерди сентябрь айында аяктоо пландалууда.
Пикир
Оставить комментарий