Бишкек, 18.03.24. /Кабар/. Кадамжайда мыйзамсыз ок атуучу курал алып жүргөн 32 жаштагы жаран кармалды. Бул тууралуу Баткен облусунун ички иштер башкармалыгынан билдиришти.
Кадамжай РИИБдин Бүргөндү айылдык милиция бөлүмчөсүнүн кызматкери Ак-Турпак айыл аймагынын Торговый базарында коомдук тартипти көзөмөлдөп жүрүп, шектүү катары ВАЗ-2106 үлгүсүндөгү автоунааны текшерген.
Автоунаанын айдоочусу Ак-Турпак айыл аймагынын Чоң-Гара айылынын 32 жаштагы тургуну М.Д. унаанын алдыңкы орундугундагы К-16 үлгүсүндөгү ок атуучу куралды эч кандай документи жок, мыйзамсыз алып жүргөндүгү аныкталган.
Учурда ок атуучу курал алынып, тергөө иштери жүрүп жатат.
Пикир
Оставить комментарий