Бишкек, 12.04.23. /Кабар/. Баткен шаарында кайрымдуулук иш-чарасы өтүп, ата-энесинен ажыраган 61 балага окуу куралдары жана акчалай жардам берилген. Бул тууралуу президенттин Баткен облусундагы өкүлчүлүгүнөн билдиришти.
Аны менен катар ата-энесинен ажыраган үч балага өкүл ата, өкүл эне дайындалып, сертификаттар тапшырылды. Алар мындан ары балдарды өз камкордугуна алышат. Аталган иш-чараны жергиликтүү бийлик “Баткен Ыйман Нуру” коомдук фонду менен биргеликте уюштурган.
Белгилей кетсек, ыйык Орозо айы Баткен облусунда “Кайрымдуулук айы" деп жарыяланган. Анын алкагында жер-жерлерде муктаж болгондорго жардам көрсөтүү иш-чаралары жүрүүдө.
Пикир
Оставить комментарий