Бишкек, 20.04.22. /Кабар/. Бүгүн, 20-апрелде Кайтаруу жана күзөтүү департаменти өзүнүн 80 жылдыгын белгилөөдө. Бул тууралуу Жаза аткаруу кызматынан билдиришти.
Мааракелик иш-чарага Юстиция министрлигинин Жаза аткаруу кызматынын жетекчилиги, өз ара кызматташкан түзүмдөр, эл аралык уюмдардын өкүлдөрү, жаш жоокерлердин ата-энелери жана жакындары, ардагерлер чакырылган.
Ошондой эле жазгы чакырылыштагы жоокерлер салтанаттуу ант беришти.
Департаменттин аскердик оркестринин аткаруусунда аскер кызматкерлери конокторго курал-жарактар менен машыгуунун чеберчилигин, кол кармашуу ыкмаларын, кызматтык иттерди жана атайын каражаттарды колдонуу менен тактикалык жана атайын даярдык боюнча көрсөтмөлөрдү көрсөтүштү.
Департаменттин негизги милдеттерин эске сала кетели:
- түзөтүү мекемелеринин коопсуздугун жана коргонуусун камсыз кылуу;
- соттолуучуларды, соттолгондорду жана камакка алынган адамдарды коштоо;
- кылмышкерлерди ташууга катышуу;
- кайтаруудан качып кеткен адамдарды издөө жана кармоо;
- өздүк курамга жана корголуучу объекттерге кол салуулардын мизин кайтаруу;
- өлкөнүн коопсуздугуна коркунуч келтирген массалык антисоциалдык аракеттерге бөгөт коюу.
Пикир
Оставить комментарий