Кара-Суу районунда мечиттен өрт чыкты

Кырсык 0

Бишкек, 01.12.17./Кабар/. Кара-Суу районунун Төлөйкөн айыл аймагындагы Тимирязова көчөсүндө жайгашкан “Жалгыз бак” мечитинен өрт чыккан. Бул тууралуу ӨКМдин басма сөз кызматы билдирет.

Маалыматка ылайык, окуя бүгүн, 1-декабрда болжол менен саат 00:04 чамасында болгон.

“Өрт өчүрүү иштерине КР ӨКМнин Ош шаардык №12 аскерлештирилген өрт-куткаруу бөлүгүнөн 2 бөлүм, №13 аскерлештирилген өрт-куткаруу бөлүгүнөн 2 бөлүм, №109 өрт-куткаруу бөлүгүнөн1 бөлүм, Штаб тартылды. Мындан сырткары РИИБнен 4 кызматкер, медициналык тез жардам кызматынан 3 кызматкер жана Ош РЭТ ишканасынан 1 бригада иштеди”,-деп айтылат маалыматта.

Билдирүүгө ылайык, жеринде өрттү өчүрүү иш-чаралары жүргүзүлүп, саат 00:47де өрт чектөөгө алынып, түнкү саат 02:48де толук өчүрүлгөн. Өрттүн кесепетинен мечиттин 500 чарчы метр жыгач устундуу темир жабылган чатыры жана 200 чарчы метр пластик шыбы күйгөн.

ӨКМден кабарлашкандай, учурда өрттүн келип чыгуу себеби такталууда.

Пикир

Оставить комментарий