Бишкек, 10.08.20. /Кабар/. Ош облусуна караштуу Кара-Суу районунда жергиликтүү бюджеттин эсебинен 5 ФАП курулууда. Бул тууралуу өкмөттүн Ош облусундагы өкүлчүлүгүнөн билдиришти.
Өкүлчүлүктөн билдиришкендей, учурда Мады айыл аймагынын Октябрь, Жоош, Чагыр айылдарында жергиликтүү бюджеттин эсебинен айылдык фельдшердик-акушердик пункттар курулуп жатат. Октябрь жана Жоош айылында курулуп жаткан ФАПтар быйылкы жылы пайдаланууга берилет.
Кара-Суу районунун Кызыл-Кыштак айыл аймагынын Сүрөттүү-Таш айылында айылдык фельдшердик-акушердик пунктун курулушу аяктап калган.
Ошондой эле Кызыл-Кыштак айыл өкмөтүнүн Жаңы-Турмуш айылынын Сүрөттүү-Таш тилкесинде да ФАП куруулуда. Анын курулушуна Корея эл аралык уюму тарабынан 1 млн 742,5 миң сом, айыл өкмөтүнүн бюджетинен 450 миң сом бөлүнүп, жергиликтүү эл тарабынан 70,4 миң сом чогултулуп берилген. Азыркы күндө ФАПтын курулушу 85%га аяктаган.
Пикир
Оставить комментарий